Jrap Agama Qingx (Zi -36)

Guaw tniax .diyc .ee si anxnex. Susii, Vut diamr dirr Madhurā Qog Aciravatī Hyy-vnix ee Iamxsnuar Ambaciu Ciurhngg. Hitt xee sijun, Sewjunx qra jiongww bikiu qongw:

"Diyhh dirr qaqi ee soxjai ansinx, diyhh uaxkyr qaqi. Diyhh dirr Hxuad ee soxjai ansinx, diyhh uaxkyr Hxuad. Byy dirr vadd xui ansinx, byy uaxkyr vadd hxang. Bikiu! Qaidongx jniasit quancad, dirr qaqi ee soxjai uaxkyr qaqi, dirr Hxuad ee soxjai uaxkyr Hxuad. Byy dirr vadd xui ansinx, byy uaxkyr vadd hxang. Anwjnuaw e snix cud iuciuu, visiongx, tongwkow, qapp huanlyw lehh? Anwjnuaw e u jiaxee? Uirr sniaxmih enqor? Anwjnuaw e virr inx vak diauu lehh? Anwjnuaw qaqi kir quancad iauxx bue snix .cud .laii ee iuciuu, visiongx, tongwkow, qapp huanlyw? Ixx snix .cud .laii ee iuciuu, visiongx, tongwkow, qapp huanlyw, inx anwjnuaw e singdiongw qapp jingqax?"

Jiongww bikiu qra Vut qongw, "Sewjunx u Hxuad ee qinx, Hxuad ee ganw, u Hxuad juer uaxkyr. Ngwbang liw uirr guanw qangxsuad. Jiongww bikiu tniax liauw, qaidongx jiauww soxx qangxsuad :ee kir siuhing."

Vut qra bikiu qongw, "Jimjiog tniax, tniax liauw hyw hyw aw sniu. Guaw uirr linw suecbingg qaizenn. Bikiu! U siksinx, jiacc kir knikib siksinx, qycc virr siksinx vak diauu lehh. Diyhh jurqiw quancad iauxx bue snix .cud .laii  ee iuciuu, visiongx, tongwkow, qapp huanwly longxx anxnex laii sanxsingx. Snix .cud .laii liauxau qycc e diddit jingqax qapp denxdua. Qamxsiu, batsniu, qniahingg, qapp iwsig iarr si anxnex.
"Bikiu! Qamxx u siksinx si suwsiongg dilehh, be venwngua, jniasit diamr lehh?"

Rinr qongxx, "Byy, Sewjunx!"

Vut qra bikiu qongw, "Jin' hyw! Jin' hyw! Siksinx si busiongg. Qnaxx u senrlamjuw jaiqiyh siksinx si busiongg, si kow, si e venwngua, e li iog, e duiww iogbong jinrbet, e jigjing, qaur qaxx jibbet. Jaiqiyh qongxx an' guanvunw ixlaii, itcer siksinx longxx si busiongg, si kow, si e venwngua ee hxuad liauxau, narr knikib siksinx laii snix cud iuciuu, visiongx, tongwkow, qapp huanlyw :ee diyhh qra duanrjuat. Duanrjuat liauw dyrr byy soxx jipsiuw. Byy soxx jipsiuw soxiw tangx an'unw qapp anlok diamr lehh. An'unw qapp anlok diamr lehh liauw, dyrr qiyr juer liappuann(Nirvana). Qamxsiu, batsniu, qniahingg, qapp iwsig iarr si anxnex." 

Vut qangxsuad jitt dnxua qingx liauxau, jap-lak xee bikiu byy qycc u huanlyw(lrau), simx did diyc qaixtuad. Vut qangxsuad jitt dnxua qingx liauxau, jiongww bikiu tniax diyc Vut soxx qongw :ee longxx hnuahiw beh jiauww anxnex laii siuhing. 

(雜阿含經卷第二 -36)   

如是我聞：

一時，佛住摩偷羅國跋提河側傘蓋菴羅樹園。

爾時，世尊告諸比丘：「住於自洲、住於自依；住於法洲、住於法依；不異洲、不異依。比丘！當正觀察，住自洲自依，法洲法依，不異洲不異依。何因生憂悲惱苦？云何有？因何故？何繫著？云何自觀察未生憂悲惱苦而生，已生憂悲惱苦生長增廣？」

諸比丘白佛：「世尊法根、法眼、法依，唯願為說。諸比丘聞已，當如說奉行。」

佛告比丘：「諦聽，善思，當為汝說。比丘！有色、因色、繫著色，自觀察未生憂悲惱苦而生，已生而復增長廣大；受、想、行、識亦復如是。比丘！頗有色常、恒、不變易、正住耶？」

答言：「不也，世尊！」

佛告比丘：「善哉！善哉！比丘！色是無常，若善男子知色是無常、苦、變易，離欲、滅、寂靜、沒，從本以來，一切色無常、苦、變易法知已，若色因緣生憂悲惱苦斷，彼斷已無所著，不著故安隱樂住，安隱樂住已，名為涅槃。受、想、行、識亦復如是。」

佛說此經時，十六比丘不生諸漏，心得解脫。佛說此經已，諸比丘聞佛所說，歡喜奉行。