Jrap Agama Qingx (Zi -37)

Guaw tniax .diyc .ee si anxnex. Susii, Vut diamr dirr Sāvatthī Qog Jeta Ciurnaa lairdew ee Anāthapiṇḍika Hngg. Hitt xee sijun, Sewjunx qra jiongww bikiu qongw:

"Guaw byy qapp sewqanx siy' jner, si sewqanx qapp guaw siy' jner. Si anwjnuaw e anxnex? Bikiu! Narr jaix Hxuad ee gixgenn :ee dyrr be qapp sewqanx siy' jner. Sewqanx u diwhui :ee qongw u, guaw iarr qongw u. Anwjnuaw qongxx sewqanx u diwhui :ee qongw u, guaw iarr qongw u? Bikiu! Siksinx si busiongg, si kow, si e venwngua ee hxuad, sewqanx u diwhui :ee qongw urngiaw, guaw iarr qongw urngiaw. Jiauww jitt kuanw, qamxsiu, batsniu, qniahingg, qapp iwsig si busiongg, si kow, si e venwngua ee hxuad, sewqanx u diwhui :ee qongw urngiaw, guaw iarr qongw urngiaw. Sewqanx u diwhui :ee qongw byy, guaw iarr qongw byy. Qongxx siksinx si suwsiongg dilehh, be venwngua, qycc jniasit diamr lehh :ee, sewqanx u diwhui :ee qongw byngiaw, guaw iarr qongw byngiaw. Qongxx qamxsiu, batsniu, qniahingg, qapp iwsig si suwsiongg dilehh, be venwngua, qycc jniasit diamr lehh :ee, sewqanx u diwhui :ee qongw byngiaw, guaw iarr qongw byngiaw. Jex dyrr qiyr juer sewqanx u diwhui :ee qongw byy, guaw iarr qongw byy. Bikiu! Sewqanx u sewqanhuad, guaw qaqi u jinrjaix qapp liauxgno laii uirr langg' hunved enxsuad qapp henxsi. Sewqanx cnimii knuar be bingg :ee berdangr jaiqiyh qycc knuar be diyc, hex m si guaw ee juerqyr.

"Jiongww bikiu! Sniaxmih si sewqanx ee sewqanhuad, guaw qaqi u jinrjaix qapp liauxgno laii uirr langg' hunved enxsuad qapp henxsi, cnimii knuar be bingg :ee suacc berdangr jaiqiyh qycc knuar be diyc? Bikiu! Hex dyrr si siksinx si busiongg, si kow, si e venwngua ee hxuad, jex qiyr juer sewqanx ee sewqanhuad. Jiauww jiitt kuanw, qamxsiu, batsniu, qniahingg, qapp iwsig si busiongg, si kow, si sewqanx ee sewqanhuad. Bikiu! Jitt xee sewqanx ee sewqanhuad, guaw qaqi u jinrjaix qapp liauxgno laii uirr langg' hunved enxsuad qapp henxsi. Cnimii knuar be bingg :ee berdangr jaiqiyh qycc knuar be diyc. Hiaxee cnimii knuar be bingg :ee berdangr jaiqiyh qycc knaur be diyc, guaw duiww inx u sniaxmih huatdo?"

Vut qangxsuad jitt dnxua qingx liauxau, jiongww bikiu tniax diyc Vut soxx qongw :ee longxx hnuahiw beh jiauww anxnex laii siuhing.    

(雜阿含經卷第二 -37)  

如是我聞：

一時，佛住舍衛國祇樹給孤獨園。爾時，世尊告諸比丘：「我不與世間諍，世間與我諍。所以者何？比丘！若如法語者，不與世間諍，世間智者言有，我亦言有。云何為世間智者言有，我亦言有。比丘！色無常、苦、變易法，世間智者言有，我亦言有。如是受、想、行、識，無常、苦、變易法，世間智者言有，我亦言有。世間智者言無，我亦言無；謂色是常、恒、不變易、正住者，世間智者言無，我亦言無。受、想、行、識，常、恒、不變易、正住者，世間智者言無，我亦言無，是名世間智者言無，我亦言無。比丘！有世間世間法，我亦自知自覺，為人分別演說顯示，世間盲無目者不知不見，非我咎也。

「諸比丘！云何為世間世間法，我自知，我自覺，為人演說，分別顯示，盲無目者不知不見？是比丘！色無常、苦、變易法，是名世間世間法；如是受、想、行、識，無常、苦，是世間世間法。比丘！此是世間世間法，我自知自覺，為人分別演說顯示，盲無目者不知不見。我於彼盲無目不知不見者，其如之何？」

佛說此經已，諸比丘聞佛所說，歡喜奉行。